為食豬

啱啱去左韓國玩左5日返黎  等我貼下依5 日食左d咩先  

e餐係海鮮餐
先上一碗加左好多麻油既粥,裏面有d蜆肉碎,我覺得麻麻地,落得太多麻油喇搶晒d味



韓國食飯上好多配菜=唔好以為係炸蟹蚶,其實係炸菇,呢樣幾好食,口感好特別,一d都唔油,正
                                  =跟住碟係炸魚,冇咩特別同食一般既炸魚一樣.



跟住黎多5 碟配菜=最遠個碟係菇,好爽口,幾好食0架.
沙拉一碟冇咩好講,因為冇食過,跟住個碟係尤魚,唔好以為係洋蔥呀.
跟住2碟係, 唔洗講都知, 係蝦同壽司.

呢5碟配菜除左碟菇之外 其餘都係味道一般冇咩特別好食


都仲係配菜=釀蟹蚶 普普通通啦, 都唔覺得有食到蟹肉， 仲覺得有d"溜"
                  


配菜=好似煎雜菜餅 一般口味.



配菜=炸尤魚 口味唔差尤魚係爽口既.


配菜=新鮮海膽 黑色部分係內臟唔食得,食橙色部分,得好小部分係可以食得入口.
         其他人話好鮮味,我就覺得唔好食,食到一陣海水味

未切開時原貌,隔離既係海石榴 ,2樣都唔好食 但其他人話幾好,好特別喎  

配菜=新鮮生尤魚,大家見唔見到,佢仲識郁0架 不過幾好食喎
       =隔離碟就係海石榴.


配菜=火焰田螺,好腥味唔好食  

配菜=涷食三文魚,韓國人食三文魚係涷食既 味試過涷食,加埋沙拉醬,都幾好食喎,好似食雪糕咁,正


跟住仲有碟好特別,要特別去搵個爐黎煮既鐵板燒粟米  以為有咩咁特別要用鐵板黎燒.
一食咪有係一碟甜到死既粟米  點解要特別用鐵板上,真係另人費解  


食左咁多碟配菜,大家唔好心急,跟住主角上啦

下一頂先講啦

為食豬

上主菜啦=係魚生,2條唔記得左叫咩名既魚,先食白色肉 淰淰地都好鮮味,好食喎  ,再食紅色肉既比較爽口
                 仲好食呀    



跟住揪條魚骨出黎煮湯,煲湯配菜得豆腐同黃芽白,唔鍾意食魚生既,可以放落湯灼熟先食  

不過我覺得魚生好食d,夠鮮味

食咁多配菜已經飽飽,仲食埋魚生真係好飽啦
點知佢地驚你唔飽,仲整個手卷黎,真係救命呀  
手卷入面得好少飯,係蟹子手卷,好腥  



頭先碟魚生就係起e度即撈即劏:smile_o12:

餐廳出面係對住海,老板話d魚係起呢個海捉返黎既

依一餐足足食左2個鐘,出黎已經天黑喇

餐廳夜景,我地仲起海邊放煙花,不過掛住玩,冇影到相

為食豬

早餐起酒店食,西餐冇咩特別,橙汁好似西栖汁,唔係咁好飲
一粒粒好似係雞寶,炸到好乾,不過都幾好食喎


跟住下午係去食韓國燒烤
同香港比緊係香港好食d啦, 起韓國食,得豬肉一種選擇,用生菜包住豬肉加一d配菜卷埋放入口,
一啖食晒,咁食燒烤都幾特別,正 但食完全身一陣燒烤過既味



夜晚去食火鍋豬肉,又係豬肉,韓國唔係泡菜就係豬肉



仲有個石頭煱飯 好飽


加d配菜同辣醬再搞埋一齊食,好好食呀,紫菜好脆,仲有飯焦好似食薯片脆卜卜,好好味呀
我淨係食個石頭煱飯已經好飽,所以個豬肉火鍋,我冇試過唔知好唔好味喎

為食豬

行街見到d街邊小食,好得意喎,買左條薯條試下.
係原條薯仔片出黎,睇下冇斷0架,再點d橙色既粉,好香薯味好好食呀  


跟住見到香港雜誌介紹過既7吋高雪糕  買好平,仲好多人排隊,即刻飛去排隊買條試下  
嘩,有好多種口味,我揀左芒果雲呢嗱,睇下真係好高,超抵食呀  


最後黎個韓國招牌特色菜,人蔘雞湯  
好似同我以前食唔同喎, 大碗左好多,佢仲驚你唔飽,幫你加多個薯麵落去
食下先. 冇咩人蔘味既,我記得以前食過係好有人蔘既甘甘地味0架 撕開隻雞裡面有糯米   
我再加埋泡菜同倒左2杯人蔘酒入去一齊食,都係冇咩人蔘味  
食埋糯米先有人蔘既味道,原來人蔘係放起糯米入面.隻雞係得4個月大,所以係好細隻,一個人食真係好飽



個薯麵,麵質好滑又彈牙,好好食0架  

為食豬

韓國食壽司原來好平架,大家估下咁長既壽司係港幣幾多錢呢
係炸蝦壽司卷,好好味0架


炒飯甜酸雞,個炒飯冇味好淡,雞就過得去啦,不過都係壽司好食得d


其實仲食左好多野,不過冇影到相  

返到香港一上磅,竟然重左5磅   唔係呀,5日重5磅有咩理由  

admin

韓國食壽司原來好平架,大家估下咁長既壽司係港幣幾多錢呢
係炸蝦壽司卷,好好味0架


炒飯甜酸雞,個炒飯冇味好淡,雞就過得去啦,不過都係壽司好食得d


其實仲食左好多野,不過冇影到相  

返到香港一上磅,竟然重左5磅   唔係呀,5日重5磅有咩理由