九龍城啓德道38號地下
第1 次去友誼, 係朋友生日, 我地想搵間泰國餐廳, 又唔想咁貴, 誤打誤撞就入左去食~
其實d 野食唔算一流~ 不過係d 服務態度好, 成個鋪面既人都係泰國人, 個個都好nice~
雖然裝修1 d 都唔豪華, 重有o個到有個妹妹成日嘈圈巴閉, 見親佢都係嘈嘈閉, 不過就係因為咁, 我對呢間餐廳多左歸屬感~去到唔見佢我會唔安落~ haha~
以下係我食過而又記得既菜色~~
1) 冬陰功- 次次去都會叫~ 唔太辣, 又開胃, o岩曬我呢d 唔食得辣既人~
2) 泰式拼盤- 熱辣辣上台, 不過好普通~
3) 生蝦刺身- 好新鮮, 個汁又惹味, 真係好好食~
4) 青咖哩配"算"蓉包- 本人覺得普通, 可能因為我唔食咖哩既關係.. 不過個包好好味, 整得好香同好脆~ 一流!
5) 菠蘿炒飯- 原個菠蘿咁上, 好香菠蘿味, 炒得好香. 睇個賣相覺得好普通, 但我就愈食愈開胃!
6) 泰式炒通菜- 不過不失, 可以要求辣定唔辣
7) 金邊粉- 算係咁, 起碼次次千黎食都keep 到個水準~
8) 泰式豬頸肉- 好味, 有個汁配埋~ 正~
9) 泰式炒雜菜- 愈普通既野我就覺得愈好食, 炒得好惹味~
10) 甜品- 椰汁黑"米需"米~ 又係熱辣辣上台~好好味!!!
11) 珍多冰- 好味~ 比例o岩o岩好, 唔會話太多冰又或者無野咬~~
剩係記得咁多, 雖然唔算係一流, 但係勝在服務態度好同埋夠平, 平時2 個人食都係百幾蚊埋單~ 不過佢地樓面好少人, 成日都無人加水~
