bobo

地址 :   荃灣四坡坊17號地下

電話 : 2406-9316

類別 : 貴州菜、粉麵/米線
消費 : $40以下

付款方式： Visa
送餐服務：有

bobo

成日都想黎食，因為我覺得呢到比隔離乾淨好坐，而且價錢都係差唔多者。
我覺得食野除左好唔好味，好唔好坐都好緊要。
尋晚去左食麻辣米線，我今次既配搭係麻辣肉丁+肉片+芽菜+腐皮.....仲有男朋友俾我既金針，於是我碗變左勁大碗~
我覺得呢到既真係麻辣，唔係酸辣，我已經叫左小辣，但已經係本人既上限lu~
我次次都會叫肉片，因為又瘦又滑，感覺上飽肚又比較健康。
佢宜家好似有d串燒，但係我已經太full，所以無叫，不過見其他人都有叫，下次先試。
我之前係到都試過香酥茄子，我覺得都ok，但就幾油下，而且，多食都會好膩，我認為多d人一齊食先至好叫，否則浪費食物就唔係甘好。
呢間店d樓面成日都唔同人，好似我落單時個伙計寫少左$落單，佢老細真係要睇清楚，如果唔係就會蝕$。
今次店裡的音樂已有進步，播andy的歌，唔該唔好再播大陸歌，感覺上好堔圳。

JO飽

去到四陂坊, 本想去試友人極力推介的雲貴川; 睇到條人龍怕怕; 川味美食未有人龍但亦未有位...放棄...

最後去左雲米家. 得1,2台客... 侍應好殷勤.

友人試左:
燒腩肉小鍋米線走辣(大家都病緊, 唔敢食辣住) $30
-湯底好濃, 多料, 滿滿的, 友人說有少少羊羶味; 燒腩肉好香

我試左:三絲(肉片,木耳, 腐皮)米線+燒腩肉+豬月閏$25+3
-湯底清清地, 沒有/少味精; 肉片好滑; 豬月閏沒特別處理, 鞋鞋地; 一樣是多料, 滿滿的

另叫了腩汁菜心: 灼得不夠時間或是菜心太老, 菜莖硬硬的$10

+ $6 熱柑桔蜜
+ $6 熱檸蜜
味道/熱度都很好

雲米家在四陂坊中,水準可能只算是okay(小小的四陂坊裡頭竟有成4-5間米線店, 可謂米線店集中地!), 因為眼見好多人寧願排長龍都不轉車太! 我還沒機會找出原因...但我肯定, 雲米家出到外面e.g.官塘的話, 水準一定不會被比下去吧,ranking肯定會高一班!

Syclic

點解揀呢度, 首先係俾佢既門面吸引左.
比起附近好多人排隊果間, 呢度寬敞別緻得多, 亦唔會覺得地下好油好污糟.

最鍾意呢度既湯底, 有韮菜, 芽菜, 酸菜, 同炸醬, 又夠酸. 要左小辣, 辣既程度亦都剛剛好.
不過可惜呢度既豬肚唔係太好食, 有d硬. 頭一次以為唔好彩, 但之後再食都係咁. 可能佢唔係咁叻整豬肚卦.
好彩有湯底搭夠. 湯底本身既炸醬都好香好惹味下.

發魯仔

路過荃灣，誤打誤撞下到了四坡坊，被其門口的燒烤香味所吸引而進入此店。
與女友分別點了酸辣米線及三鮮米線，味道還是一般吧！

酸辣米線主要配料為炸醬、金針、雲耳，湯底略帶麻辣。女友怕吃酸，因此「走酸」。另加了$3的豬大腸。其實不大能吃出炸醬的味道，因為本身湯底已是麻辣。假如沒有「走酸」，豈非變成「酸麻辣」？另外，大腸份量還可以，略帶肥美，具有大腸獨特之異香。

三鮮米線主要配料為肉片、腐竹、金針、雲耳，湯底為清湯，清淡得可以，另加$3的腩肉。肉片腍滑，份量可以。恕小弟淺陋，略嫌金針、雲耳等配菜與米線不太匹配。腩肉味道偏辣，肥瘦不均，部份太瘦以致「鞋口」。

綜觀而言，兩款米線質地較韌，不似即叫即煮，似是點菜後即時澆上相應湯底之貨色。而且湯底亦含頗多味精，吃後異常口渴。整體水準，與尖沙咀星林居及譚仔還有相當距離。

四眼仔

住香港的我很少去荃灣, 但因為老公在葵芳工作, 又經常聽他說這裡的米線特別好食, 終於要他帶我一試, 而在這裡, 除了找到美味不需要送菜也可以吃到滿足又回味的**小窩米線**外, 我還找尋到他們的**木瓜水** 真的吃過一次就愛上了!!

愛他們的小窩米線, 因為材料足湯底好!!! 一般外面的小窩米線, 普通的湯, 米線上放了小許炸菜肉碎豆芽, 清清的, 加了其他送菜, 湯底都是淡淡的普通不過, 而"雲米家"的小窩米線, 湯底和炸菜肉碎都"非常超勁", "香濃美味", 如果另外加送菜, 更加增添水準!! 他們的紅燒肉是我的首選配搭!

愛他們的木瓜水, 因為清甜又涼快, 而且可以送走口中辛辣感覺! Very Good!! 另外小食方面麻辣肚絲, 口水雞等等都令人回味無窮! 就算要我山長水遠坐1個鐘頭車, 都是值得的, 所以我久不久都會專登去一轉荃灣呢!!

拉拉

果日收工行荃灣,不知食麥好,行到四彼坊給雲米家串燒吸引到入去.叫了小辣羊肉串燒.沙嗲豬肉串燒.飲品叫了珍珠奶茶.青頻果綠茶.

小辣羊肉串燒一般
沙嗲豬肉串燒好好味
珍珠奶茶好飲過專門店
青頻果綠茶很正

貓之里

今日１點幾ＰＭ在呢間店都唔算等得耐就有位
之前食過２次呢道的米線，都係食不同款的＝〕
款款米線都無令我失望
不過可能我唔食得辣，食少辣都覺得幾辣
仲有ｄ材料都新鮮，又幾多～
而且真係幾大碗，
幾鐘意呢間店的珍珠，夠彈牙
芒果珍珠，朱古力ｃｏｆｆｅｅ珍珠不錯～
如果唔駛額外加錢便更好．．哈～
服務態度也ｏｋ的～上菜速度也ｏｋ
今日試左印尼的雞肉串，口感不錯，無肥肉，ｄ沙爹汁可以改善

真係食到好飽～

pvp

呢條街有好多間米線，不過我唔係咁有耐性，所以揀左一間唔駛排隊等0既

入到去，有位阿姐好熱情咁招呼我坐低，我連menu都未睇，佢就企住等我叫野，我覺得好有壓力呀好彩我一眼關七，都好快咁揀左菜肉雲吞米線+熱奶茶，佢終於功成身退，離開我視線範圍。

奶茶好快黎左，不過都其實冇咩期望架喇~之但係杯野真係唔夠熱，我懷疑係擺左0係廚房一段時間0既製成品，飲左三分一都唔係幾敢再飲落去，再等多5分鐘左右碗米線黎埋，個賣相好唔掂，有一塊溶爛0既生菜伴住，令成碗野更加似「二手貨」(即係俾人食過咁0既樣)，anyway，香港應該唔會有d咁無良0既舖頭卦我第一時間夾起雲吞，好稔呀﹗一咬就爛哂，夾都夾唔住，好彩我用更兜住黎食，唔係就跌哂落水而米線都一樣係好稔，點解會咁架?

小旺

果日行過俾佢門口個炭爐吸引入去試食
叫左紅燒肉酸辣米線,荀雲吞酸辣米線,腩汁菜芯,炸大腸,小辣羊肉串燒,沙嗲豬肉串燒
米線D湯底得叫小辣都好辣料普通
腩汁菜好得意有花椒味好過癮
炸大腸冇特別
串燒食得辣及羊蘇一定要食肉林味香好好味
豬肉都好好味甜甜地有肉汁正